عراق له‌باره‌ى مووچه كار وه شيواز ئه‌لكترۆنى ئه‌كا و دابه‌شكردن ده‌سى هه‌ڵگرت
شه‌فه‌ق نيوز/ بانك رافده‌ين داوا له بڕيگ ده‌زگايه‌يل ده‌وڵه‌ت كرد هه‌ڵه‌په‌ڵه بكه‌ن له كاراكردنه‌وه‌ى كارته‌يل ماسته‌ر كارد و راده‌سكردن مووچه‌ى كارمه‌نده‌يليان ئه‌را مانگ نيسان له‌رێ ئه‌لكترۆنى نه‌ك ده‌سى.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ وت: بانكه‌گه داوا له بڕيگ وه‌ڕيه‌وبه‌ره‌يل ژمێريارى ده‌زگايه‌يل ئه‌كا ماسته‌ر كارد كارمه‌نده‌يليان كاراوه بكه‌ن ك له‌لايه‌ن بانكه‌وه دابه‌ش كرياگه تا مووچه‌ى ئى مانگه وه شيواز ئه‌لكترۆنى دابه‌ش بكا.
به‌ياننامه‌گه هه‌ميش وت: بايه‌سه له‌بان ئه‌و وه‌ڕيه‌وبه‌ره‌يله له بڕيگ له ده‌زگايه‌يل موخاتبه‌ى ئداره‌ى گشتى بانكه‌گه بكه‌ن و ئيعاو بيه‌ن وه ته‌واوبوين گشت رێ وشوونه‌يل په‌يوه‌س وه كاراكردن ماسته‌ر كار وه‌تايبه‌ت له‌ساى بارودوخ ئيسه‌ى ڤايرۆس كۆرۆنا ك وڵاته‌گه له‌تى ژيه‌ێد و بايه‌سه دابه‌شكردن هه‌ڵگيريه‌ێد و مامڵه وه سيسته‌م ئه‌لكترۆنى بكريه‌ێد ئه‌را دابه‌شكردن مووچه.
