عراق شەرمەزار پەلامارداین مەزاریگ ئاینی لە ئیران کەێد

شەفەق نیوز/ وەزارەت دەرەوەی عراق، ئمڕوو پەنجشەممە، شەرمەزارکردن ئەو پەلامار تیرۆریە نشان دا ک دویەکە چوارشەممە، مەزاریگ ئاینی لە شار شیراز ئیران کردە ئامانج، و گیان دەیان کەس سەن و کەسەیلیگ زەخمدار بوین.

وەزارەتەگە لە بەیاننامەیگ وت: لە وەختیگ هەڵویست چەسپیاگ حکومەت عراق لە تیرۆر و تونەڕەوی دووارەو کەیمن، هاوخەمی وەگەرد حکومەت کۆمار ئیسلامی ئیران لە خەفەت ئی وەختەیلە نشان دەیمن، و سەرخوەشی راسمان ئەرا خانەوادەی شەهیدەیل پیشکەش کەیمن، و داوای دروود ورەزا ئەرایان کەیمن، و خاسەوبوین زوییگ ئەرا زەخمدارەیل.

دویەکە، ریخریاگ داعش خوەی کردە خاوەن ئەو تەقینەوە ک مەنزڵگای شاە چراغ کوڕ ئیمام موسای کازم لە شار شیراز پایتەخت پارێزگای فارس کردە ئامانج،  و ١٣ کوشیاگ و ٢١ زەخمدار لەلی بویەو.