عراق زياتر لە ١٥٠٠ تووشهاتن نوو وە کۆڕۆنا تۆمار کەێد
![عراق زياتر لە ١٥٠٠ تووشهاتن نوو وە کۆڕۆنا تۆمار کەێد](https://media.shafaq.com/media/arcella/1608205804413.jpeg)
2020-12-17T13:00:51+00:00
شەفەق نیوز/ وەزارەت تەندروسی وژینگەی عراق، ئمڕوو پەنجشەممە، زیاتر لە ١٥٠٠ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە تۆمار کرد.
وەگورەی هەڵوێست پەتاگە لەلایەن وەزارەتەگە، تووشهاتنە نووەگان رەسینە ١٥٥٣ تا بڕ تووشهاتنەگان بڕەسێدە ٥٨٠٤٤٩، و هەمیش وەزارەتەگە ١٩١٦ خاسەوبوین تۆمار کرد، تا گشت خاسەوبوینەگان بوونە ٥١٥٣٢١.
هەمیش هەڵوێستەگە داوەزین ئاشکرایگ لە مردنەگان دەرخست وە تەنیا ١٤ مردن، تا گشت مردنەگان بڕەسنە ١٢٦٥٠.