عراق راگەینێد مەوقەی رەسین یەکەم بەش واکسین کۆڕۆنا
![عراق راگەینێد مەوقەی رەسین یەکەم بەش واکسین کۆڕۆنا](https://media.shafaq.com/media/arcella/1612189801449.jpeg)
شەفەق نیوز/ حەسەن تمیمی وەزیر تەندروسی و ژینگەی عراق، ئمڕوو دووشەممە، راگەیان دیاریکردن کۆتایی ئی مانگە جوور مەوقەیگ ئەرا رەسین یەکەم بەش لە واکسین کۆڕۆنا، و لە خود وەختەگە ئەو چینەیلە دیاری کرد ک واکسینەگە وەرگرن.
تمیمی لە کۆنگرەیگ رۆژنامەوانی ئاژانس شەفەق نیوز چەودیریی کرد وت: تەقەلا خەسەگان وەگەرد لایەنە پەیوەندیدارەگان ک خوەی رێکخراو تەندروسی جهانیە و کۆمپانیایل بەرهەمکار واکسین کۆڕۆنا وەتایبەت ئەو کۆمپانیایلە ک دەزگای نیشتمانی ئەرا پەسەنکردن دەرمانەگان لە وەزارت تەندروسی، رەسینە دیاریکردن کۆتایی مانگ شوبات جوور مەوقەیگ ئەرا وەرگردن واکسینەگان، و دەسکرن وە دابەشکردنی ئەرا ناوەندە تەندروسیەگان و خەسەخانەگان ئەرا دابەشکردنی لەبان هاووڵاتییەگان.
وتیش؛ ئەو چینەیلە ک یەکەم تاقەبەشەگە وەریان گرێد خوەیان ئەندامەیل وەزارەت تەندروسی و دەزگا ئەمنیەگان و تووڕەیل راگەیانن کەناڵە ئاسمانیەگان لە تەمەن بان ٥٠ ساڵان، و ئەو کەسەیلە ک کاریگەری بیماری دیرن.
وتیش: ئەوەسا دوو مەلیۆن و نیم تا ٣ مەلیۆن تاقەبەش لە یەکەم جار دریەێدە عراق، و لە خود وەختەگە جەختکردە بان پابەندبوین وە رینما تەندروسیەگان و نواگردن قەرەباڵغی.