عراق دڵنیای فەرمانبەر و خانەنشینەیلی کەێد و ئاشکرای زەرەدمەنی کارەبا لەوەر نرخ نەفت کەێد

شەفەق نیوز/ لیژنەی دارایی لە پەرلەمان عراق، ئمڕوو شەممە، دابینکردن مووچەی فەرمانبەرەیل و خانەنشینەیل پشتڕاسکرد، و ئەوانەگ چەودیاریکردن کۆمەڵایەتی گرێدەیانەو، لە داوەزیا نرخ نەفت لە جەهان.

 ئەندام لیژنەگە موعین کازمی ئەرا ئاژانس شەفەق نیوز وت: ئەوەگ لە بودجەی سێ باڵی ئەرا نرخی یەک بەرمیل نەفت، چەن مانگیگ وەرجەیە دانریا، نرخ نەفت لە ئاست جەهان زیاتر لە (٨٠) دۆلار بویە، و ئیرنگە وە (٧٠) دۆلار ئەرا هەر بەرمیلیگ یا کەمتر لەەوەس.

 کازمی وتیش: “وەگورەی ئەوەگ هەناردە کریەێد مانگانە (3,400,000) بەرمیل نەفتە، ئەرا ئمساڵیش داهات نەفت وە (120) ترلیۆن هەشمار کریەێد، و ئی شمارەیەش لە ری هەناردەکردن ئیسەو وەدەس تیەێد،  بیجگە لە داهات نانەفتی کە ەە٥ (27) ترلیۆن مەزەنە کریاس، و مەزەنە کەیمن داهاتەیل ساڵ 2024 بڕەسێدە (145) ترلیۆن، کە لەڕی ئەوەو مووچەی زیاتر لە چوار ملیۆن فەرمانبەر و سێ ملیۆن خانەنشین دابین کریەێد، بیجگە لە سێ ملیۆن خیزان کە چەودیاریکردن کۆمەڵایەتی وەرگرن”.

وتیش: "بڕ خوازینەیل نزیکەی (85) ترلیۆنە، و ئی بڕە پویلە ئەرل ئمساڵ مسۆگەر کریاس، بەڵام خەرج کاروەپکردن تریش هەس، ئەرا کارەبا و نەفت چشتەیلیگ ترەک، بیجگە لە خەرجییەیل بەرهەمهاوردن و پەرەپیدان ناوچەیل"، ئەرا ئاوەدانکردن پارێزگایل، کە لەوەر داوەزیان نرخ نەفت کاریگەری لەبانیان بوود”.

نەبیل ئەلمەرسومی، شارەزای ئابووری عراقی، شەممەی گوزەشتە، دووپات کرد کە داوەزیان نرخ بەرمیلیگ نەفت عراق ئەرا 70 دۆلار، کاریگەری بەد گەورە لەبان ئابووریی نیشتمانیی لەلی کەفێدەو.

مەرسومی، لە قسەیلی ئەرا ئاژانس شەفەق نیوز وت: داوەزیان نرخ نەفت، وەگەرد داوەزیان هەناردەی نەفت ئەرا سێ ملیۆن و 300 هەزار بەرمیل لە رووژیگ، بوودە مدوو کەمەوبوین داهات مانگانەی نەفت ئەرا 9 ترلیۆن دینار.

هەمیش وت: ئەو داهاتەیلە یەک ترلیۆن دینار ئەرا خەرج کۆمپانیایل مووڵەت دیاری کریەێد، تەنیا 8 ترلیۆن دینار ئەرا موچه وە شیوەیل جیاجیایلی مینێدەو، ، که مانگانه 7.5 ترلیۆن دینار خەرجی چوود. 

 وتیش: نیم ترلیۆن دینار ئەرا دابینکردن پویل کەلوپەل کارت بەشەخوەراکی تەرخان کریەێد، و ئەو خەرجییەیل کارکردن و بەرهەمهاوردن لە داهات کەمی نانەفتیش  دابین کریەێد، یەیش بیجگە لە قەرز ناوخۆیی و دەرەکی.

 ئاشکرا کرد کە هاتی لە ماوەی دوو مانگ ئایندە وەزارەت دارایی بکەفێدە وەر گیچەڵ دابینکردن مووچەی فەرمانبەرەیل، یەیش هاتێ بوودە مدوو دویاکەفتن یا کەمەوکردن مووچە ئەگەر نرخ بەرمیلیگ نەفت لە مەودای هەفتا دۆلار تا ماوەی شەش مانگ وەردەوام بوود.