عراق داوەزینیگ لە تووشهاتنەگان کۆڕۆنا وە ١١٣٤ تووشهاتن نوو تۆمار کەێد
![عراق داوەزینیگ لە تووشهاتنەگان کۆڕۆنا وە ١١٣٤ تووشهاتن نوو تۆمار کەێد](https://media.shafaq.com/media/arcella/1612704248143.jpeg)
شەفەق نیوز/ وەزارت تەندروسی و ژینگەی عراق، ئمڕوو یەکشەممە، راگەیان داوەزینیگ لە ژمارەیل تووشهاتنەگان ڤایڕۆس کۆڕۆنا رەسیە ١١٣٤ تووشهاتن نوو لەماوەی ٢٤ ساعەت گوزەیشتە.
وەگورەی هەڵوێست رووژانەی پەتاگە ک لە وەزارت تەندروسی رەسیە ئاژانس شەفەق نیوز؛ تاقێگەیلی ١١٣٤ تووشهاتن نوو وە ڤایڕۆس کۆڕۆنا تۆمار کردنە، و نۆ مردن، وەرانوەر ١٠٢٦ خاسەوبوین.
وەگورەی بەیاننامەی وەزارەتەگە؛ گشت ژمارەی خاسەوبویەگان رەسیە ٦٠٠١٩٣، و ڕێژەی ٩٥،٥٪ ، و گشت ژمارەی تووشهاتنەگان رەسیە ٦٢٨٥٥٠، و ژمارەی تووشهاتنەگان لە چارەسەری ١٥٢٣٧، و ژمارەی تووشهاتنەگان لە ژیر چەودیری وورد ١٩٢، و گشت ژمارەی مردنەگان بویە ١٣١٢٠.