عراق خوازياره به‌شيگ له قه‌يه‌غه‌ى هاتوچوو له مانگ ره‌مه‌زان هه‌ڵگرێد وه مه‌رج
شه‌فه‌ق نيوز/ شانه‌ى قه‌يرانه‌يل حكومى خوازياره به‌شيگ له قه‌يه‌غه‌ى هاتوچوو هه‌ڵگرێد له مانگ ره‌مه‌زان له سه‌عات شه‌ش شه‌وه‌كى له شه‌ش ئيواره.
له‌ى باوه‌ته‌و، رووژنامه‌ى ئه‌لسه‌باح نيمچه فه‌رمى له شماره‌ى ئمڕووى له زووان عه‌بدولغه‌نى ساعدى وه‌ڕيه‌وبه‌ر ته‌ندروستى ره‌سافه و ئه‌ندام شانه‌ى قه‌يران وت: شانه‌ى قه‌يران خوازياره به‌شيگ له قه‌يه‌غه‌ى هاتوچوو هه‌ڵگرێد له سه‌عات شه‌ش شه‌وه‌كى تا سه‌عات شه‌ش ئيواره.
جى باسه، وه‌ڕيه‌وبه‌ر ته‌ندروستى ره‌سافه باسيش له‌وه كرد ك لاوردن به‌شيگ له قه‌يه‌غه‌ى هاتوچوو له مانگ ره‌مه‌زان پيرووز ده‌س وه‌پى ئه‌كا، وه‌لێ وه‌گووره مه‌رجه‌يليگ ئه‌وه‌سه ك مۆڵه‌يل و چايخانه‌و ئاشخانه‌يل واز نه‌كريه‌ن، بيجگه دياريكردن شماره‌ى سه‌رنشينى سه‌ياره و مه‌رجه‌يل تر له‌وه‌ر مه‌ترسى جيوازبوين ڤايرۆس، يه‌يش له حاڵه‌تيگ ئه‌گه‌ر حاڵه‌ته‌يل تر به‌رزه‌وبوين له په‌تاگه تۆمار نه‌كريا.
