عراق بووده گەوراترین لانەی پەتا لە خوەڕهەڵات ناوڕاس
شەفەق نیوز/ هاوپەیمان نیشتمانی وە سەرپەرشتی ئەیاد عەلاوی، ئمڕوو جومعە، بانگەواز فریاکەفتن ئاڕاستەکرد ئەرا ئەنتۆنیۆ گۆتیرس ئەمندار گشتی نەتەوە یەکگرتوەگان، و ئەرا نوێنەرەیل دەوڵەتەیل ئەندام هەمیشەیی لە ئەنجومەن ئاسایش، و ئەرا کۆمەڵگای ناودەوڵەتی، وەپی داوا لەلیان کەێد بڕەسنە داد عراق ك بوودە یەکیگ لە گەوراترین لانەیل ڤایڕۆس کۆرۆنا لە خوەرهەڵات ناوڕاس.
هاوپەیمانیەگە لە بەیاننامەیگ ئمڕوو وت: عراقیەگان ئەرا ماوەی ١٧ ساڵ لە ئەنجام دەسوەردان ناودەوڵەتی و هەرێمی ک هیمان مەنیەسەی خوەیان تەنیا مەنن، لە داین باج شکست بونیادناین دەوڵەت هاووڵاتیەی. ك بویە هووكار پەککەفتن گشتگیر دەزگایل جوراوجوور دەوڵەتەگە، و لەنوای گشتیان رمیان سیستمە تەندروسیەگە وە تەواوەتی، و بەڵگەی بڵاوبوین ترسناک بیوەرین پەتای کۆرۆنا.
بەیاننامەگە هەمیش وت: حکومەت عراق بیدەسڵاتە لە خاسەوکردن، تەنانەت لە دەسوەردانیگ ئەرا نواگردن لە رماننەگە، و ئەنجامەگەی ئەوەسە ک لەوەر دابین نەکردن مقەیەتی و پارێزی پێویست، سەنگەر یەکەمین لە کادرە پزشکیەگە خوه‌ی بیه یەکەمین قوربانی و هێشت هەژمار تووشهاتگەیل و مردگ لەناویان فرەوەبوود.
بەیاننامەگە داوا لە ئەو لایەنەیلە کرد تەماشای عراق بکەن ک ناچاربویە لە گیاکردن هاوکاریەگان، و ئەویش لە ری گامەیل زوینەی ئەرا رەسین وە ئی رماننە، و نواگردن لە ئاڵشتبوین وڵاتەگە ئەرا یەکیگ لە گەوراترین لانەیل پەتاگە لە خوەرهەڵات ناوڕاس، وه‌تایبەت دویای ئەوە ک راپۆرتەیل ناوخۆیی وجهانی ئاماژە دانە مەترسی رەوشەگە لە خەسەخانەگان.
