عراق بريار وازكردنه‌وه‌ى ده‌روازه‌يل مه‌رزێ دا له‌وه‌رده‌م جموجويل بازرگانى
شه‌فه‌ق نيوز/ حكومه‌ت عراقى بڕيار وازكردنه‌وه‌ى ده‌روازه‌يل مه‌رزێ دا له‌وه‌رده‌م جموجويل بازرگانى، ئه‌ويش دوياى دو مانگ له به‌ساننيان له‌وه‌ر مه‌ترسى له بڵاوبوينه‌وه‌ى ڤايرۆس كۆرۆناى تازه.
له‌ى باوه‌ته‌و، ره‌سانن ده‌سه‌ى ده‌روازه‌يل مه‌رزێ له به‌ياننامه‌يگ ئه‌را شه‌فه‌ق نيوز وت: ده‌سه‌ى ده‌روازه‌يل مه‌رزێ دانيشتنيگ له‌لايه‌ن ئه‌نجومه‌ن ده‌سه‌ى ناوبرياى وه سه‌رۆكايه‌ى عومه‌ر وائلى و ئه‌ندامێى نوێنه‌ر وه‌زاره‌ه‌يل و ده‌سه‌يل كاركه‌ر حكومى له ده‌ووازه‌يل ساز كردگه له‌ڕێ بازنه‌ى ته‌له‌فزيۆنى وه ئاماده‌بوين وه‌ڕيه‌وبه‌ر گشتى ده‌زگاى ئدارى و دارايى و وه‌ڕيوبه‌ر ده‌زگاى ياسايى له ده‌سه‌ى ده‌روازه‌يل مه‌رزێ و له‌و دانيشنه چه‌ن ته‌وه‌ريگ باس كرياگه، له‌وانه‌يش بڕيار ئه‌نجومه‌ن وه‌زيره‌يل شماره(84)ساڵ 2020 ك له‌تى جه‌خت له‌بان گرنگى يه‌كێتى ئداره‌يل ئه‌كا له ده‌روازه‌يل وه‌ل دياريكردن ئه‌ركه‌يل ده‌سه‌گه وه‌گووره ياسا له سه‌رپه‌رشى و چه‌وديرى و مه‌سه‌له‌ى ئه‌منى و پابه‌ندبوين وه رينمايه‌يل گشتى.
وه‌گووره‌ى به‌ياننامه‌گه هه‌ر له‌و دانيشتنه باس له ميكانيزميگ كرياگه ئه‌را دوباره وازكردنه‌وه‌ى ده‌روازه‌يل مه‌رزێ له‌وه‌رده‌م جموجويل بازرگانى و ئاڵشت و ئوڵشت بازرگانى دوياى به‌ساننى وه‌بوونه‌ى بڵاوبوينه‌وه‌ى ڤايرۆس كۆرۆنا.
