عبادى باس له دو جووره زه‌ره‌دمه‌نه‌يل ئه‌كا له پرووژه‌ى خاسسازى
عبادى له دانيشتنى وه‌ل ئه‌ندامه‌يل ئه‌نجومه‌ن پاريزگاى به‌سره ك(شه‌فه‌ق نيوز)ئاگادارى بوى، وت: ئمڕوو عراق تويش رويداگه‌يل سه‌ختيگ بويه‌و له‌وانه‌يش روى وه‌ڕوى بوينه‌وه‌ى داعش و نه‌بايه‌د ده‌رفه‌ت وه‌پى بيه‌يم تا دڵخوه‌ش بدى وه ناكووكيمان و هه‌ر وه‌و خاتريشه هه‌ر كيشه‌يگ له‌ناونى خوه‌مان بايه‌سه كاريگه‌رى نه‌ياشتوود له‌بان به‌رژه‌وه‌ندى وڵاته‌گه.
عبادى له دريژه‌ى قسه‌يلى هه‌ميش وت: به‌رژه‌وه‌ندى وڵات بايه‌سه له‌بان گشت كه‌سيگه‌و بدێ و له هه‌مان وه‌خت ڕى بدريه‌ێده كه‌سه‌يل شاره‌زاو پيشه‌يى ئه‌را وه‌كارهاوردن پۆسته‌يل و هه‌ر وه‌و خاتريشه ڕيداين وه‌و جووره كه‌سه‌يله له‌وه‌ر به‌رژه‌وه‌ندى هاووڵاتيه‌يل عه‌يب نيه، چوينكه مه‌سه‌له‌ى خاسسازى وه‌رده‌وامه‌و بريگ له مه‌ردم له‌تى زه‌ره‌د ئه‌كه‌ن و بريگيش په‌يوه‌سن وه ئه‌جنده‌ى ده‌ره‌كى و ئه‌خوازن گرفت ئه‌را خاسسازى دروس بكه‌ن، وه‌لى ئيمه وه‌رده‌واميم وه‌گشت هيزيگ له‌ى خاسسازيه‌يله وه‌خاتر روى وه‌ڕوى بوينه‌وه‌ى گه‌ناته‌كارى.
