شەپوولیگ گەرمی روی لە عراق کەێد
2022-09-02T10:06:24+00:00
شەفەق نیوز/ پسپۆر کەشناسی سادق عەتیە پیشبینی کەێد، لە ئمڕوو جومعەوە شەپوولیگ گەرمی نوو روی بکەێدە عراق و گشت عراق بگردەو و تا کۆتایی هەفتەی ئایندە وەردەوام بوود.
عەتیە لە راگەینراویگ دەنگی ک لەبان تووڕ کۆمەڵایەتی بڵاویکردیە وت، سەراپای ناوچە و شارەیل وڵاتەگە شەپوولیگ گەرمی دوینێدە خوەی لە ئمڕووە دەسوەپی کەێد و وەپای پیشبینیەیل لە رووژ چوارشەممەی هەفتەی ئایندە کۆتایی تێد.
فرەتر شارەیل باشوور و فورات ناوڕاس کەفنە ژیر کاریگەری پلەی گەرما لە وەخت نیمەروو رەسێدە ما بەین 48 - 49 پلەی سەدی.
پسپۆر کەشناسیەگە باسکرد، لە دویای رووژ چوارشەممە داوەزین وەرچەویگ لە پلەی گەرما وە خوەی دوینێد لە بەغدای پایتەخت 43 - 44 پلەی سەدی توومارکریەێد لە وەت نیمەڕوو.
