شەپۆل سەدری لە باس کاریگەری ناودەوڵەتیانەی کورد: نێەوود بوودەجەگە وەبی کورد رەد بکریەێد
شەفەق نیوز/ ریاز مەسعودی نوێنەر شەپۆل سەدری لە ئەنجومەن نۆێنەران عراق، ئمڕوو دووشەممە، دووپات کرد ک توانا ئەرا رەدکردن پڕۆژەی یاسای بوودجەی ساڵ ٢٠٢١ وەبی هەماهەنگی و رێککەفتن وەگەرد هەرێم کوردستان نییە.
مەسعودی ئەرا ئاژانس شەفەق نیوز وت: هێزە سیاسیەگان وەبی هەماهەنگی و رێککەفتن وەگەرد هەرێم کوردستان نەچگنە ئەرا پەسەن رەدکردن پڕۆژەی یاسای بوودجەی ساڵ ٢٠٢١، و ئی پەسەنە فرە دویرە.
ودیاری کرد ک نەچگن ئەرا ئی پەسەنە، چوونکە ئی رویکردنە نەگ تەنیا پەیوەندی وە یاسای بوودجەگە دیرێد، بەڵکم پەیوەندی وە پەیوەندیەیلیگ سیاسی و ئەنجامدان هەڵبژاردنە زوینەگە دیرێد وهەمیش وە دروسکردن کابینەی هاتگ حکومەت عراق، و هەمیش وە پەیوەندیەیل هەرێم وەگەرد چین ناودەوڵەتی دیرێد.
وتیش؛ یەکێتی پێکهاتە سیاسیەگان فرە گرنگە، و ئیمە خوازیمن مقەیەتی یەکەوگردنە نیشتمانیەگە و وەردەوامی کارە سیاسییەگە بکەیمن، ئەراوە خوازیمن بڕیارە ستراتیژەگان وە بەشداری گشتی بووریەن.
