پشوو دەوام فەرمی مەکتەوەیل ئەرا ماوەی هەفتەیگ وە بوونەی هەڵوژاردن
2023-12-10T13:01:21+00:00
شەفەق نیوز/ کۆمسیۆن باڵای هەڵوژاردنەیل، ئمڕوو یەکشەممە، پشووی دەوام فەرمی مەکتەوەیل لە عراق راگەیان ئەرا ماوەی یەک هەفتە وە بوونەی هەڵوژاردن ئەنجومەن پارێزگایەیل.
جومانە غەلاوی قسەکەر کۆمسیۆنەگە وڵ ئاژانس شەفەق نیوز وت، "کۆمسیۆن وەرد سەرۆک وەزیرەیل قسەکردیە لە پێناو هەماهەنگی کردن کار وەرد لیژنەی ئەمنی باڵا ئەرا رادەسکردن و ئامادەکردن بنکەیل هەڵوژاردن و گواستنەوەی کەرەستەیل هەڵوژاردن و کۆتایهاوردن وە گشت ئامادەکاریە لۆجستیکی و تەکنیکیەگان".
وتیش " وە مدووە دەوام فەرمی لە گشت مەکتەوەیل لە بڕوار 12/12 سێشەممە پشووە تا رووژ سێشەممە 12/19 لە بەغداو گشت پارێزگایەیل، وەپای ئەوەگ هەڵوژاردنە".
رووژ دوشەممە 18ی کانوون دویەم لە عراق هەڵوژاردنەیل ئەنجومەن پارێزگایەیل وەڕیوە چوود، وەی بوونە رێکارەیل تایبەت ئەرا هیزەیل پەمنی و سەربازی وەڕێوە چوود لە رووژ شەممە 16 کانوون یەکەم.
