کەشوهەوایگ "نمونەیی" ئەرا بازیەگەی ئمشەو عراق و ئۆردن لە بەسڕە

شەفەق نیوز/ دەسەی گشتی کەشناسی و زەویلەرزەناسی عراق، ئموو پەنجشەممە، هاوکات وەرد بازی تووپان عراق وەرد ئۆردن لە بەسڕە باشوور وڵاتەگە مەزەنەیل کەشوهەوا راگەیان.

دەسەگە لە بەیاننامایگی کە ئاژانس شەفەق نیوز دیەسێ رووشنیکرد، کەشوهەوای وڵاتەگە لە وەخت نیمەروو پایزیی بوود و مامناوەنە لە دەمە شەوەکی و شەو سەردیگ هاناوی، وەرد داوەزیان زیاتریگ پلەی گەرمی وە  2-3 پلەی سەدی بەراورد وە دویکە.

دیاریکرد، کەشوهەوا لە گشت شارەیل ساماڵە وەرد دەرکەفتن بڕیگ ئەور جیاواز لە ماوە جیاوازەیل و وا وە ئاراستەی باکوور خوەرئاواس وە تونی مامناوەندیگ لەناوەین  20-30 كم/ساعەتت، فرەجار وای ئارامیگ بوود لە ناوچەیل باکوور خوەرهەڵات.

دەەگە وتیش مەودای نوڕین ئاسۆیی ها  لەناوەین  8-10 كم، باوجی لە شەوەکی شەفەق  4-6 كم لەوەر دروسبوین تەم سوکیگ لە کەشوهەوا و کاریگەری پیسی کەش.

باوجی پلەی گەرمی مەزەنەکریاگ لە بەسڕە  وەرد میوانداری بازی تووپان ئیوارە کەمترین پلەی گەرمی 14 پلەی سەدیە، و بەرزترینی 27 پلەی سەدیە.

 لە بەغدای پایتەخت، مەزەنەکرێد نزمترین پلەی گەرمی 11 پلەی سەدی بوود و بەرزترینی 25 پلەی سەدی.