کەشوهەوای عراق...واران و بەرزەوبون پلەی گەرمی
دەسەگە لە بەیاننامەیگ رەسیە ئاژانس شەفەق نیوز راگەیان، کەشوهەوا ئمڕوو دووشەممە لەناوچەیل ناوڕاس ئەور و واران سووکیگ تا مامناوەندیگە جاروەجار گرمەهڕ بوود، کەشوهەوای ناوچەیل باکوور ئەور و واران مامناوەندیگە وەگەرد گرمەهڕ، و لەناوچەیل باشوور وەگەرد واران سوکیگ لەبەش خوەرهەڵات وارید.
لە بەیاننامەگە وتیش " کەشوهەوای سوو سێشەممە، نیمەئەورە لە گشت ناوچەیل وڵاتەگە، باوجی پلەی گەرما بەرزەوبوود کەمیگ لە ناوچەیل ناوڕاس و باکوور، و لە باشوور پلەی گەرمی چەن پلەیگ داوەزێد".
وتیش، کەشوهەوای رووژ چوارشەممە لە ئەورەو ئاڵشتبوود ئەرا نیمەئەور پلەی گەمی لەسەرجەم وڵاتەگە کەمیگ بەرزەوبوود.
وتیش، پلەی گەرمی وڵاتەگە لە رووژ پەنجشەممە لەناوڕاس نیمەئەورە تا ئەو وەگەرد واران سووکیگ لەشەو ناوچەیل خورئاوا، جاروجار گرمەهڕیش بوود، لە دویای ر نیمەئەورە تا ئەور پلەی گەرمی کەمیگ بەرزەوبوود لەبەشەیل ناوڕاس و باشوور، و لەباکوور وڵاتەگە نزیکە لە توومارەیل رووژ وەرجە خوەی.
