کەشوهەوای عراق.. میوانە زەردەگە لە سووەو سەر کیشێدە ئاسمان وڵات
2023-06-18T08:31:31+00:00
شەفەق نیوز/ دەسەی کەشناسی عراق، ئمڕوو یەکشەممە، مەزەنەی کەشوهەوای وڵاتەگە لەی هەفتە بڵاو کرد، و باس هەڵسان خوەڵوتووز و داوەزین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە لە سوو دووشەممە، لە گشت ناوچەیل وڵاتەگە رووشنە، و خوەڵوتووز لە چەن شوینیگ لە بەشەیل ناوڕاس و باشوور هەڵسێد، و پلەی گەرمی لە گشت وڵاتەگە نزیک رووژ وەرجە خوەیە.
وتیش: رووژ سێشەممە، لە ناوچەی ناوڕاس رووشنە وەگەرد لەکە ئەوریگ، و لە ناوچەی باکوور و باشوور پاکە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە ناوچەی باکوور کەمیگ نزمەو بوود.
وتیش: رووژ چوارشەممە، لە گشت وڵاتەگە رووشنەر و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور و باشوور کەمیگ بەرزەو بوود.
دەسەگە وتیش؛ کەشوهەوای وڵاتەگە ئەرا رووژ پەنجشەممەی ئایندە رووشنە، و پلەی گەرمی لە گشت وڵاتەگە کەمیگ بەرزەو بوود.
