کەشوهەوای عراق لەی چوار رووژ بانانە
2023-11-04T09:41:01+00:00
شەفەق نیوز/ دەسەی کەشناسی عراق، ئمڕوو شەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس جیگربوین کەشوهەوا کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو یەکشەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە تا ئەور تەواوە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور کەمیگ بەرزەو بوود.
بەیانامەگە وتیش: رووژ دووشەممەی, لە گشت وڵاتەگە رووشنە وەگەرد لەکە ئەور، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە ناوچەی باشوور نزیک رووژ وەرجە خوەیە.
وتیش: رووژ سێشەممە، لە گشت ناوچەیل وڵاتەگە رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە.
دەسەگە وتیش: کەشوهەوای رووژ چوارشەممەی ئایندە، لە گشت وڵاتەگە رووشنە وەگەرد لەکە ئەور، و پلەی گەرمی نزیک رووژ وەرجە خوەیە.
