کەشوهەوای عراق لەی رووژەیل بانانە
2023-06-20T08:58:07+00:00
شەفەق نیوز/ دەسەی کەشناسی عراق، ئمڕوو سێشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس بەرزەوبوین نوویگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە سوو چوارشەممە، لە گشت وڵاتەگە رووشنە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ بەرزەو بوود.
وتیش: رووژ پەنجشەممە، لە گشت ناوچەیل وڵاتەگە رووشنە، و پلەی گەرمی چەن پلەیگ بەرزەو بوود.
وتیش: رووژ جمعە، لەکە ئەوەرە لە ناوچەی ناوڕاس و باکوور، و لە ناوچەی باشوور رووشنە، و پلەی گەرمی لە بەشەیل ناوڕاس و باشوور کەمیگ بەرزەو بوود، و لە ناوچەی باکوور نزیک رووژ وەرجە خوەیە.
بەیاننامەگە وتیش: کەشوهەوای رووژ شەممەی ئایندە، لە ناوچەی ناوڕاس و باکوور رووشنە وەگەرد لەکە ئەوریگ، و لە ناوچەی باشوور رووشنە، و پلەی گەرمی لە گشت وڵاتەگە کەمیگ بەرزەو بوود.
