کەشوهەوای عراق.. فرە گرمە تا رەسێدە 50 پلە (نەخشە)

شەفەق نيوز- بەغداد 

دەسەی کەشناسی عراق، ئمڕوو دووشەممە، راگەیان کە وڵاتەگە لەژیر کاریگەری درویژایی پاڵەپەستوو گەرمای وەرزی وەردەوام سینێد، تا کە کەشوهەوایگ تاوسانی و فرە گەرم وەشیوەی گشتی زاڵەو بوود، وەگەرد ئاسمانیگ پاک بیجگە لەکە ئەوریگ لە بەشەیل خوەرهەڵات وڵات.

دەسەگە لە بەیاننامەیگ رەسیە ئاژانس شەفەق نیوز وت: پلەی گەرمی بەرزەوبوین سووکیگ لە ناوچەی ناوڕاس و باشوور توومار کەێد، و لە ناوچەی باکوور نزیک دویەکەس. 

   دیاری کرد کە پلەی گەرمی مەزن ئمڕوو دوشەممە وەیجویرە بوی: بەغداد 47، كەركوك 44، نەینەوا 44، سەڵاحەدین 45، ديالە 46، ئەنبار 43، كەربەلا 47، بابل 46، واست 47، نەجەف 48، دیوانیە 47، ميسان 50، زیقار 48، موسەنا 47، بەسرە 49 پلەی سەدی.

لە پارێزگایەیل هەرێم کوردستان وەیجویرەس:  دهۆك 41، هەولێر 43، سلێمانی 43 پلەی سەدی.

ئەرا رووژەیل بانان، دەسەگە مەزەنە کرد کەشوهەوای سوو سێشەممە ئاسمان رووشن بوود وەگەرد لەکە ئەوریگ لە ناوچەی باکوور.

  رووژ چوارشەممە، هەمیش ئاسمان رووشنە وەگەرد لەکە ئەوریگ لە بەشەیل خوەرھەڵات، و واگە باکوور خوەرئاوایی سووکە تا ناوڕاسە.

رووژ پەنجشەممەی ئایندە، هەمیش ئاسمان رووشنە وەگەرد لەکە ئەوریگ لە بەشەیل خوەرهەڵات، و تا رووژ جمعە وەیجویرە مینێد، وەگەرد لەکە ئەوریگ لە بەشەیل ناوڕاس و باشوور.

  پلەی گەرمی ئەرا رووژەیل سێشەممە و چوارشەممە، دەسەگە مەزەنە کرد وەیجویرە بوود: 

بەغداد 46، كەركوك 44، سەڵاحەدین 44، ديالە 45، ئەنبار 43، بابل 46، واست 47، کەربەلا 47، نەجەف 48، ديوانيە 47، ميسان 50، ناسریە 49، موسەنا 47، بەسرە 50 پلەی سەدی، و لە پارێزگایەیل هەرێم کوردستان؛ هەولێر 44، سلێمانی 44، دهۆک 41 پلەی سەدی.