کەشوهەوای عراق.. سوو گەرمی ١١ پارێزگا لە ٤٥ پلە رەد کەێد
2023-09-06T07:39:03+00:00
شەفەق نیوز/ دەسەی کەشناسی عراق، ئمڕوو چوارشەممە، کەشوهەوای وڵاتەگە لەی رووژەیل بانانە بڵاو کرد، و باس خوەڵوتووز و داوەزیان پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز/ کەشوهەوای وڵاتەگە ئەرا سوو پەنجشەممە، لە گشت ناوچەیل وڵاتەگە خوەر و رووشنە، و پلەی گەرمی کەمیگ داوەزێد.
وتیش؛ رووژ جمعە، لە ناوچەی ناوڕاس و باکوور خوەرە، و لە ناوچەی باشوور خوەر و گەرمە، و پلەی گەرمی لە گشت وڵاتەگە نزیک رووژ وەرجە خوەیە.
هەمیش وت: رووژ شەممە، لە ناوچەی باکوور و ناوڕاس رووشنە، و پلەی گەرمی کەمیگ داوەزێد، و لە ناوچەی باشوور رووشنە و گەرمە، و پلەی گەرمی نزیک رووژ وەرجە خوەیە.
بەیانامەگە وتیش: کەشوهەوای رووژ یەکشەممەی ئایندە خوەرە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە،و و لە بەش باشوور کەمیگ داوەزێد.
