کەشوهەوای عراق.. گەرمی وەردەوامە
2023-07-11T08:22:24+00:00
شەفەق نیوز/ دەسەی کەشناسی عراق، ئمڕوو سێشەممە، مەزەنەی کەشوهەوای وڵاتەگە لەی چوار رووژ بانانە بڵاو کرد و باس وەردەوامی بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: سوو چوارشەممە، ئاسمان رووشنە و پلەی گەرمی نزیک رووژ وەرجە خوەیە.
بەیاننامەگە وتیش؛ رووژ پەنجشەممە، ئاسمان گشت وڵاتەگە رووشنە، و پلەی گەرمی لە بەشەیل ناوڕاس و باکوور چەن پلەیگ بەرزەو بوود، و لە بەش باشوور کەمیگ بەرزەو بوود.
وتیش؛ رووژ جمعە لە گشت ناوچەیل وڵاتەگە رووشنە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور وڵاتەگە کەمیگ بەرزەو بوود.
بەیاننامەگە وتیش؛ کەشوهەوای رووژ شەممەی ئایندە رووشنە و گەرمە، و پلەی گەرمی لە گشت وڵاتەگە نزیک رووژ وەرجە خوەیە.
