کەشوهەوای عراق تا رووژ شەممە
شەفەق نیوز/ نەخشەیل کەشوهەوا نشان دەن کە ئمڕوو سێشەممە، دەرفەت واران وەردەوامە، وەلێ گشتگیر نییە، و هاتێ واران سووکیگ ١١ پارێزگا بگرێدەو، و سوو چوارشەممە، زاران تەنیا لە ٣ پارێزگا مینێد، تا وارانیگ فراوان تیەێد لە پەنجشەممە تا شەممە.
وەگورەی نەخشەیل کەشوهەوا، لە ناوچەیل باکوور و باشوور لە ماوەی ٢٤ ساعەت ئایندە کەشوهەوا ناجیگیرە، و مەزەنەی دەرفەتەیل واران و گرمەهڕ کریەێد لە دهۆک و هەولێر و سلێمانی و ناوچەیلیگ لە موسڵ و کەرکوک، و هانێ بەشەیلیگ لە باکوور سەڵاحەدین و باکوور دیالە بگرێدەو.
مەزەنەیش کریەێد دەرفەت واران لە بیاوان موسەنا بوارێد، و نمە وارانیگ لە ناوچەیلیگ جیاجیا لە زیقار و میسان و بەسرە.
سوو چوارشەممە، هاتێ دەرفەت واران نووەو بوود، و لە بیاوان نەجەف و موسەنا و بەشەیلیگ لە خوەرئاوای ئەنبار، وەلێ لە رووژ پەنجشەممەەو، مەزەنە وارانیگ بوارێک کە تا پەنجشەممە وەردەوام بوود، و شیوەی وارانەگە دەیمیە، و زووری کەفێدە بان ناوچەیل فورات ناوڕاس و بەشیگ لە ناوچەیل باشوور و خوەرئاوای ئەنبار.
پلەی گەرمی لەی رووژەیلە جویر خوەی مینێد، ببجگە داوەزیان کەمیگ لەی رووژەیل بانانە.
