کەشوهەوای عراق تا کۆتایی مانگ تەمووز
2024-07-29T07:27:37+00:00
شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە ئەرا ئی رووژەیل بانانە بڵاو کرد، و باس داوەزیان پلەی گەرمی، و هەڵکردن خوەڵوتووز کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێسەممە، ئاسمان رووشنە، و پلەی گەرمی نزیک رووژ وەرجە خوەیە، لە بەسرە و میسان رەسێدە ٤٨ پلە، زیقار و نەجەف و کەربەلا و دیوانیە ٤٦ - ٤٧، بەغداد و بابل و واست ٤٦ پلەی سەدی.
وتیش؛ لە رووژ چوارشەممە، ئاسمان وەگشتی رووشنە، و پلەی گەرمی نزیک رووژ وەرجە خوەیە.
دیاری کرد کە رووژ پەنجشەممە، هەمیش ئاسمان رووشنە و پلەی گەرمی نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ جمعەی ئایندە، وەگشتی رووشنە، وەگەرد خوەڵوتووز سووکیگ، و پلەی گەرمی کەمیگ نزمەو بوود.
