کەشوهەوای عراق.. بەرزەوبوین پلەی گەرمی لەماوەی چوار رووژ بانان
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو پەنجشەممە، رووشنە وەگەرد لەکە ئەوریگ لە گشت ناوچەیل وڵاتەگە، و پلەی گەرمی لە ناوچەی ناوڕاس و باکوور تا چەن پلەیگ لە رووژ وەرجە خوەی داوەزێد، و لە باشوور کەمیگ بەرزەو بوود.
وتیش: رووژ جمعە، رووشنە وەگەرد لەکە ئەوریگ لە گشت ناوچەیل وڵاتەگە، و پلەی گەرمی لە ناوچەی ناوڕاس نزیک رووژ وەرجە خوەیە، و لە باکوور کەمیگ بەرزەو بوود، و لە باشوور کەمیگ داوەزێد.
رووژ شەممە، ئاسمان رووشنە تا نیمچە ئەوریگ لە ناوچەی ناوڕاس، و لە باکوور نیمچە ئەورە، و لە باشوور رووشنە وەگەرد لەکە ئەوریگ، و پلەی گەرمی لە ناوچەی لە گشت وڵاتەگە چەن پلەیگ بەرزەو بوود.
بەیاننامەگە وتیش: کەشوهەوای رووژ یەکشەممەی ئایندە، لە ناوچەی ناوڕاس نیمچە ئەورە، و لە باکوور نیمچە ئەورە و جاروباریش ئەور تەواوە وەگەرد نمە وارانیگ لە بەشەیل باکووری، و لە ناوچەی باشوور رووشنە تا نیمچە ئەوریگ، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە بەش باشوور وڵاتەگە کەمیگ بەرزەو بوود.
