کەشوهەوای شەو سەرساڵ... ئایا لە عراق وارانە؟
2023-12-27T07:49:30+00:00
شەفەق نیوز/ مەزەنەیل کەشناسی، ئمڕوو چوارشەممە، کەشوهەوای کۆتا رویژەیل 2o23 و شەو سەرساڵ ئاشکەراکرد، شمارەیگ فرە لە هاوڵاتیەیل گرنگی گەپیگ دەن وە زانین کەشوهەوا وەرجە ئەوەگ لە ماڵ دەربچن و ئاهانگ سەرساڵ زاینی.
کەشناس محەمەد عەلی وا ئاژانس شەفەق نیوز وت، کەشوهەوای سەرساڵ (یەکشەممەی)ئایندە جیگیرە، هویچ بەرز و نزمیگ نییە.
عەلی لەباوەت پلەی گەرمی مەزەنەکرد، کەشوهەوا لە شەو سەرساڵ زاینی سەردە.
سێ رووژ سەردی و واران
عەلی لە لێدوان وەرینی ئەرا ئاژانس شەفەق نیوز وت: " هاتێ لە شەو رووژ چوارشەممە، تا شەوەکی جومعە، واران ناوچەیل ناوڕاس و باشوور وڵات بگرێدەو، باوجی کاریگەریەگەی لە شارەیل هەرێم کوردستان کەمترە".
عەلی ئاشکەرایکرد، "وەرد وارانەگە وای سەردیگ باکوور گورجەو بوود لە رووژ پەنجشەممە".
دیاریکرد "واران رفتیگ لە خوەرئاوای ئەنبار و نەجەف و سەماوە وارێد، باوجی لە ناوچەیل ناوڕاس و باشوور وارانەگە سوکە، لە ناوچەی باکوور دەرفەتەگە لاوازە".
لە رووژ پەنجشەممەی وەرین وەپای قسەی کەشناس محەمەد عەلی وەرز زمسان لە عراق دەسوەپی کرد و ئەرا 90 رووژ وەردەوام بوود.
