شنگال کەفێدە وەر گورز نوویگ

شەفەق نیوز/ سەرچەوەیگ ئەمنی، ئمڕوو شەممە، خەوەردا ک قەزای شنگال کەفتە وەر گورز نوویگ.

سەرچەوەگە ئەرا ئاژانس شەفەق نیوز وت: گورزیگ سەرچەوەگەی نادیارە، مەزەنە هەس وە فڕۆکەیگ بێفڕۆکەوان جیوەجی کریایە، کۆمەڵگەی نیشتجیبوین خانسور لە شنگال لە پارێزگای نەینەوا کردە ئامانج.

وەگورەی سەرچەوەگە، هویچ زانیارییگ سەرچەوەی پەلامارەگە و زەرەدەیل گورزەگە نەڕەسیە.

دویەکە جمعە، دەزگای دژەتیرۆر لە هەرێم کوردستان خەوەردا لە کوشیان و زەخمداری پەنج لە ئەندامەیل پەکەکە وە گورزیگ لەلایەن فڕۆکەیگ بێفڕۆکەوان لەبان ماشینیان لە قەزای شنگال.