کەشناسی هەرێم کوردستان پیشبینی کەشوهەوای 48 ساعەت ئایندە راگەیان
2022-08-26T08:41:53+00:00
شەفەق نیوز/ وەڕیەوبەرایەتی گشتی کەشناسی و زەویلەرزەی هەرێم کوردستان، ئمڕوو جومعە، پیشبینی کەشوهەوای 48 ساعەت ئایندە بڵاوکرد.
وەڕیەوبەرایەتیەگە لە باوەت پیشبینیەیل کەشوهەوای ئمڕوو راگەیان، ئاسمان ساماڵ وەگەرد لەکە ئەور لە دەمەوئیوارە لە ناوچەیل هەرێم و پلەی گەرما کەمیگ داوەزێد، تونی وا هێواش و مامناوەندە ها لە مابەین (10-20 )کم/س وە ئاراستەی باکوور خوەرهەڵات.
وەریەوبەرایەتیەگە دیاری کەشوهەوای سوو شەممەيش کرد و راگەیان؛ ئاسمان وە گشتی ساماڵە و لەکەی ئەورە وەگەرد خوەڵ و توز سوکیگ، و پلەی گەرماش نزیکە لە توومارەیل رووژ گوزەشتە.
بەرزترین پلەیل گەرمای پیشبینیریاگ وە پلەی سیلیزی :
هەولێر : 42
سلێمانی : 41
دهۆک : 40
کەرکوک : 44
هەڵەبجە : 43
زاخۆ : 42
سۆران : 40
گەرمیان : 46.
