کەشناسیگ مەزنە کەێد تا کۆتایی مانگ تەمووز کەشوهەوای تاوسان ئاسایی بوود لە عراق
2023-07-18T07:15:25+00:00
شەفەق نیوز/ کەشناس عەلی جابر زیادی، ئمڕوو سێشەممە، مەزەنەکریەێد کەشوهەوای تاوسان لە عراق ئاساییە و تا کۆتایی مانگ تەمووز هویچ شەپوولیگ گەرمی وەگەردی نییە یەیش لەوەر وای مامناوەندە.
زیادی لە بەیانیگ وە ئاژانس شەفەق نیوز راگەیان، لە سوو چوارشەممەوە کەشوهەوای تاوسانەی ئاساییگ دەسوەپی کەێد وە مدوو ئەوەگ وای مامناوەن باکوور خوەرئاوا کورجەو بوود ک لە رووژ پەنجشەممە و رووژەیل دویای ئەوە تا هەفتەی ئایندە کورجترەو بوود.
وتیش، ئی وا کاریگەری خاستر لەبان کەشوهەوا دروس کەێد هیلێد کەشوهەوای تاوسان ئاساییەو بوود هەرچەن پلەی گەرمی بەرزە تا (٤٧ و ٤٥) پلە لە ناوڕاس و باکوور وڵاتەگە و رەسێدە (٤٩) پلە لە باشوور و ک تێکرای ساڵانە دانریەد.
زیادی وتیش، لەماوەی ئایندە کەشوهەوا وەیجویرە وەردەوام بوود، هاتێ وەرجە کۆتایی مانگ خاوەوبوین وا گلەوبخوەێد.
