کەشناسی عراق.. واران و داوەزیان گەرمی لەی رووژەیل بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو دووشەممە، لە گشت ناوچەیل وڵاتەگە رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە.
وتیش؛ رووژ سێشەممە، لە ناوچەی ناوڕاس نیمچە ئەورە و جاروباریش نمە وارانیگ وارێد، و لە ناوچەی باکوور نیمچە ئەورە و جاروباریش واران وارێد، و لە ناوچەی باشوور رووشنە تا نیمچە ئەورە، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە رووژ چوارشەممە، لە ناوچەی ناوڕاس نیمچە ئەورە تا ئەور تەواوە وەگەرد دەرفەت نمە وارانیگ، و پلەی گەرمی نزیک رووژ وەرجە خوەیە، و لە ناوچەی باکوور ئەو پەڵە دەێد و زاران وارێد، و پلەی گەرمی نزمترەو بوود، و لە ناوچەی باشوور رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ پەنجشەممەی ئایندە، لە ناوچەی ناوڕاس رووشنە وەگەرد لەکە ئەوریگ، و پلەی گەرمی کەمیگ نزمەو بوود، و لە ناوچەی باکوور ئەو و وارانە و لە چەن شوینیگ وەفر وارێد، و پلەی گەرمی کەمیگ نزمترەو بوود، و لە ناوچەی باشوور رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە.
