کەشناسی عراق.. واران لە یەکشەممەی ئایندەو
2023-11-17T12:02:08+00:00
شەفەق نیوز/ دەسەی کەشناسی عراق، ئمڕوو جمعە، کەشوهەوای وڵاتەگە ئەرا ئی رووژەیل بانانە بڵاو کرد، و باس واران و بەرزەوبوین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو شەممە، لە ناوچەی ناوڕاس و باشوور رووشنە وەگەرد لەکە ئەوریگ، و لە ناوچەی باکوور نیمچە ئەورە وەگەرد دەرفەت نمە وارانیگ لە بەشەیل باکوور، و پلەی گەرمی لە گشت وڵاتەگە کەمیگ بەرزەو بوود.
وتیش: رووژ یەکشەممە، لە گشت وڵاتەگە نیمچە ئەورە و کەمکەم بوودە نیمچە ئەور وەگەرد واران سووکیگ جاروباریش بەڵاچەس، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ بەرزەو بوود.
دیاری کرد کە رووژ دووشەممە، لە گشت وڵاتەگە نیمچە ئەورە تا ئەور تەواو، وەگەرد واران سووکیگ تا ناوڕاس، جاروبار بەڵاچە وەگەردی دروس بوود، و پلەی گەرمی لە گشت کەمیگ نزمەو بوود.
دەسەگە وتیش: کەشوهەوای وڵاتەگە ئەرا رووژ سێشەممەی ئایندە، لە ناوچەی ناوڕاس و باشوور رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە، و لە ناوچەی باکوور نیمچە ئەورە وەگەرد واران سووکیگ جاروباریش گرمەهڕە، و پلەی گەرمی کەمیگ نزمترەو بوود.
