کەشناسی عراق: گلەوخواردن واران و بەرزەوبوین گەرمی لەی هەفتە
2023-05-08T09:43:15+00:00
شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای ئی هەفتە راگەیان، و باس گلەوخواردن واران و بەرزەوبوین گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، لە ناوچەی ناوڕاس و باکوور نیمچە ئەورە وەگەرد دەرفەت نمە وارانیگ لە ناوچەیلیگ جیاجیا، و لە ناوچەی باشوور رووشنە تا نیمچە ئەوریگ، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ داوەزێد.
وتیش: رووژ چوارشەممە، رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد ک رووژ پەنجشەممە، رووشنە وەگەرد لەکە ئەوریگ، و پلەی گەرمی لە گشت وڵاتەگە چەن پلەیگ بەرزەو بوود.
بەیاننامەگە وتیش: کەشوهەوای رووژ جمعەی ئایندە لە گشت وڵاتەگە رووشنە تا نیمچە ئەوریگ، و پلەی گەرمی لە بەشەیل ناوڕاس کەمیگ بەرزەو بوود، و لە بەشەیل باکوور و باشوور چەن پلەیگ بەرزەو بوود.
….
