کەشناسی عراق لەی رووژەیل بانانە.. داوەزیان پلەی گەرمی
2023-09-07T09:30:07+00:00
شەفەق نیوز/ دەسەی کەشناسی عراق، ئمڕوو پەنجشەممە، کەشوهەوای وڵاتەگە لەی رووژەیل بانانە بڵاو کرد، و باس داوەزیان کەمیگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو جمع، خوەر و رووشنە، و پلەی گەرمی نزیک توومارەیل ئمڕووە.
وتیش؛ رووژ شەممە، پلەی گەرمی لە بەشەیل ناوڕاس و باکوور کەمیگ داوەزێد، و لە بەش باشوور نزیک رووژ وەرجە خوەیە.
دیاری کرد کە کەشوهەوای وڵاتەگە ئەرا رووژەیل یەکشەممە و دووشەممەی ئایندە، پلەی گەرمی نزیک رووژ وەرجە خوەیە.
