کەشناسی عراق.. گەرمی وەگەرد سەرتای تەمووز داوەزێد
2024-06-28T07:20:37+00:00
شەفەق نیوز: دەسەی کەشناسی عراق، ئمڕوو جمعە، مەزەنەیل کەشوهەوای وڵاتەگە ئەرا هەفتەی ئایندە راگەیان، و باس داوەزیان پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: لە رووژەیل شەممە و یەکشەممە و دووشەممە، لە هەفتەی ئایندە، ئاسمان رووشنە و پلەی گەرمی نزیک رووژ وەرجە خوەیە.
وتیش: رووژ سێشەممەی ئایندە کە کەفێدە دوو تەمووز، پلەی گەرمی کەمیگ لە ناوچەیل ناوڕاس و باکوور داوەزێد، و لە ناوچەی باشوور جیگیرە.
دەسەگە دیاری کرد کە پلەی گەرمی سوو لە وڵاتەگە وەیجویرە بوود: دهۆک ٤٠ پلەی سەدی، بەسرە ٤٨ پلەی سەدی، بەغداد ٤٥ پلەی سەدی.
