کەشناسیگ دیاری مەوقەی کۆتایی هاتن شەپۆل سەرما کەێد لە عراق و وەگەرد واران لە هەفتەی ئایندە
عەتیە لە پۆستیگ لەبانتووڕ کۆمەڵایەتی "فەیسبووک" وت، "ئیرنگە کشوهەوا فرە سەردە و سەردی کاریگەری دروسکەێد وەبان فرەیگ لە شارەیل وە تایبەت شارەیل باکوور کە شەوەکی ئمڕوو پلەی گەرمی نزیک لە سفر پلەی سیلیزی توومارکریا لە ناوچە جیاوازەیل و لە ناوچە کویەیلە پلەی گەرمی ژیر پلەی سفر توومارکریایە کە ماوەی چەن رووژیگە وەفر وارێد ئەگەر وەشیوەی کەمیگیش بوود کاریگەری وەبان سیستەم ئاوی وڵاتەگە دروسکردیە.
وتیش؛ مانگە دەسکردەیل وینەی ئەوریگ توومارکردنە کە بڵاوەوبویە لە ناوڕاس و خوەرئاوا و باشوور وڵات ئەور گەرمییگ بی واران، وتیش "ئەور نزمیگ لەبان بڕیگ لە ناوچەیل باکوور وڵات هەس کاریگەری دیرێد لە وارینیگ لەناوەین سووک تا مامناوەندیگ لە نیمەڕوو ئمڕوو شەممە و شەوەگەی لە نەینەوا و سلێمانی و دهۆک و کەرکوک و هەولێر و باکوور ئەنبار".
دیاریکرد، سوو یەکشەممە دەرفەتەگە زیایترەو بوود بەغدای پایتەخت و دیالە واران گرێدەێ و ئاشکەرایکرد واگە جیگیر نییە لە شارەیل باکوور فرە وەختەیل قایمە لە ئەو شارەیلترەک ها لە ئاڵشتبوین و لەدویای ئەوە لە باکوور خوەرئاوا تونیەگەی مامناوەندەو بوود.
