پێشمەرگە هوشداری لە مینەیل سەدام ناوبەین کوردستان و دیالە دەێد

موقەدەم جەلیل مام فایق فەرماندەی لیوای سێیەم لە میحوەر یەکەم پیشمەرگە ئەرا ئاژانس شەفەق نیوز وت: جیماگەیل و مینەیل جەنگ عراق و ئیران لەناوچەیل وەرپرسایەتی پیشمەرگە لەناوبەین سنووور خانەقین و قەزای کەلار بڵاو بوینە، و هیمان مەترسی لەبان مەدەنیەیل دیرێد.

داوا لە کشاوەرز و شوانەیل کرد مقیەت بوود لە چگن وەرەو ناو شوینەیل مین ک جویر تەڵەی مەرگە ئەرا ئەوەگ لە مەترسیی نەزاێد.

فایق وتیش: ئمڕوو زەخمداربوین کشاوەرزەیلیگ یا شوانیگ لە ئاوای دەکا ئیبراهیم بەگ لەناوبەین خانەقین و کەلار لە وەرپرسایەتی فەوج دویەم لە لیوای سێیەم رویدا، دویای دەستکاریکردن شوانەگە وە گولەیگ جەنگی ک تەقیە پیان و یەکیگیان زەخمدار کرد.