شمارەی قوربانیەیل تەو خوینوەربوین لە موسڵ ها لە بەرزەوبوین
شەفەق نیوز/ سەرچەوەیگ پزیشکی لە فەرمانڴەی تەندروسی نەینەوا، ئمڕوو چوارشەممە، خەوەردا لە توومارکردن تویشهاتن نوویگ وە ڵ لە باشوور موسڵ، وە یەیش شمارەی تویشهاتنەیل لە ماوەی دوو هەفتە بەرزەوبوی.
سەرچەوەگە وە ئاژانس شەفەق نیوز وت "گەنجیگ 27 ساڵان دانشتگ ناحیەی گەیارە باشوور موسڵ وەرجە چەن رووژیگ سەردان خەستەخانە کردیە لەوەر گومانکردن و تویشهاتن وە تەو خوینوەربوین، لەدویای وەرگردن نموونەیل و کلکردنی ئەرا تاقیگەیل تەندروسی گشتی ناوەندی لە بەغدا، ئمڕوو ئەنجام دووپاتکردن تویشهاتنی رەسی".
وتیش "بیمارەگە ئەرا خەستەخانەی شەفا کلکریاس ئەرا وەدویاچگن پرۆتۆکۆلەیل تەندروسی پەیوەنیدار وە چارەسەرکردن ئێ حاڵەتیلە" دووپاتکرد "حالەەگە هاژیر چەودێری پزیشکی تونیگ".
سەرچەوەیگیش ئاشکرایکرد "لە گوزەشتە سێ حالەت لە پارێزگای نەینەوا توومارکریاس و گشتیان وە تەواوی خاسەوبوینە و لە دویای وشکنین پێویست لە خەستەخانە دەرچینە".
