شمارەی دانشتگەیل عراق ئاشکەرا کریا

   شەفەق نیوز/ سایت datareportalی جەهانی، نووترین ئامارەیل شمارەی دانیشتگەیل و رێژەی گەشە و رێژەی تەمەن و رەگەز بڵاوکردیە،  و ئاشکەرای کەێد لەنوان ساڵ2021 ئەرا 2022رێژەی گەشەکردن دانیشتگەیل عراق 2.4% بۊە. 

پێگەی datareportal ک پێگەیگ تایبەتە وە ئاشکەراکردن داتا  و ئامارە جیاوازەیل لە وڵاتەیل جەهان بڵاویکردیە، شمارەی دانیشتگەیل عراق لەئیسە رەسیە 41.67ملیۆن کەس و تەنیا لەنوان ساڵ 2021-2022 971هەزار کەس زیاد کردیە و ڕێژەی گەشە 2.4%. 

هەر وەگورەی ئامارەیل پێگەگە، فرەیگ لە شمارەی دانیشتگەیل لەسەنتەر شارەیل جێگیربۊنە ک کەێدە 71.4% لەوەرانوەر تەنیا 28.6%یان دانیشتگ ئاواین. 

لەباوەت وە شمارەی هەردگ  رەگەز، 49.4% دانیشتگەیل لە رەگەزی مێن لەکاتیگ 50.6%یان لە رەگەزی نێرن. 

هەر وەگورەی ئەو ئامارەیل پێگەگە 20.58ملیۆن هاوڵاتی تا ئی مانگ گوزەشتە هێڵەیل ئینتەرنێت وەکارهاوردنە، ک کەێدە 49.4%گشت دانشتگەیل.