گەشتیگ وە کارەسات کۆتایی تێد.. خنکیان گەنجیگ لە دەریاچەی حەمرین
شەفەق نیوز ــ دیالە
سەرچەوەیگ ئەمی لە پارێزگای دیالە، ئمڕوو شەممە، خەوەردا لە مردن گەنجیگ خەڵک پارێزگای کەربەلا هنای وەگەرد هاوڕێیەیلی ئەرا گەشتکردن وەرەو دەریاچەی حەمرین چگە لە باکوور خوەرهەڵات پارێزگاگە.
سەرچەوەگە وە ئاژانس شەفەق نیوز راگەیان، "گەنجیگ سی ساڵان لە وەخ مەلەکردن لە دەریاچەی حەمرین نقومبویە لە باکوور خوەرهەڵات دیالە، لەدویای ئەوەگ وە ئەرا گەشتکردن وەرد سێ هاورێ لە کەربەلاو هاتگە.
وتیش "گەنجەگە لە قویڵی دەریاچەگە نقومبویە تیمەیل فریاکەفتن تەقەلای قورتارکردنی دانە باوجی دەسوەجی گیان لەدەسداس تەرم مەگەی ئەرا پزیشک دادوری کلکریاس".
تەندروسی دیالە لە گوزەشتە ئەرا ئاژانس شەفەق نیوز ئاشکرایکرد، 64 پسای نقومبوین لە دیالە توومارکریاس لە ماوەی نیمەی یەکەم ئمساڵ کە زیاتری لەماوەی دوو مانگ کۆتایی بویە وە مدوو بەرزەوبوین پلەی گەرمی کە هیلێد زیاتر روی لە ملەکردن بکەن.
