شاند یەکێتی ئەوروپا: هەڵبژاردن عراق هاتن کەمیگ وەخوەی دی
شەفەق نیوز/ شاند یەکێتی ئەوروپا ئەرا چەودیریکردن هەڵبژاردن عراق، ئمڕوو سێشەممە، دووپات کرد ک هاتن ئەرا دەنگدانەگە کەم بۊی، و باس خەفەت خوەی لە دابڕین لەی هەڵبژاردنە کرد وەتایبەت لە بزووتنەوەی ناڕەزایی تەشرین.
فیۆلا فون کرامون خانمە سەرۆک شاند یەکێتی ئەوروپا ئەرا رەوانگەکردن هەڵبژاردن عراق، ئمڕوو لە کۆنگرەیگ رۆژنامەوانی لە بەغداد و ئاژانس شەفەق نیوز ئامادەی بۊی وت: هەڵبژاردن عراق وەشیوەی خاسیگ وەڕیەو بریا، و دیاری کرد ک شاندەگەی هەڵسەنگاندن هەڵبژاردنەگە کردیاد و هان دەنگدەرەیلە دیای تا بەشداری بکەن.
وتیش؛ شاندەگە هاتن کەمیگ لە دەنگدەرەیلە دیخ و باس کلکردن زیاتر لە ١٠٠ چەودێر و ١٢ پسپۆڕ و ٥٩ دیبلۆماسی لە دەوڵەتەیل یەکێتی ئەوروپا کرد.
کرامون باس رووژ دەنگدانە گشتیەگە کرد ک رووژ ئارام و ئاشتەوایی بۊی، و دیاری کرد ک عراقیەیلە توانای دەنگدان وە شیوەی ئازادیگ داشتن لەناو ریکارەیل گونجیاگخ وە رێژەی ٩٥%. وتیش: ئاست هاتنەگە کەم بۊی، یەیشە وەگەرد ٤١% لە بەشدارەیل گونجیەێد، و دیاری کرد ک بایەت بۊی هەڵبژاردن ئاڵشتکردنیگ ئەرا چین سیاسی بوود، باوجی وەداخەو ک ئەو دەرفەتە نەۊی.
هەمیش باس ئەوە کرد ک دەستوور عراقی باوەڕ وە ئازادی دیرێد لەڕی ئەنجامدان هەڵبژاردن لە چوارچێوەی یاسای دەنگدەرەیلە، و دووپات کرد ک شاندەگە وەگورەی بنەمایل ناودەڵەتی ئەرک خوەی جیوەجی کرد.
وتیش: بزووتنەوەی ناڕەزایی تەشرین لە هەڵبژاردنەگە دابڕیا، وەگورەی هەڵمەت ئازادی باسکردن و رئز لەلی گریا، وتیش: سیمایل توندوتیژی لەماوەی هەڵبژاردنەگە فرە کەم بۊی.
هەمیش وت: بەشیگ لە چەکدارەیلەی دەیشت دەسەڵات دەوڵەت تەقەلای رخبردن کاندیدەیلە دان وەتایبەت لە کاندیدەیل ژن، و یە بۊیە کاریگەری خەاویگ لەبان رکابەریەگە.
