شارەزایگ کەشناسی مزگانی دەێدە عراقیەیل
شەفەق نیوز/ شارەزای کەشناسی عەلی جابر زیادی، ئمڕوو یەکشەممە، راگەیان ئەوەسا ئی شەپوول گەرمیە ک یە چەن رووژیگە وڵاتەگە گردیەسەو، لە ناوڕاس ئی هەفتە نیەمینێد.
زیادی ئەرا ئاژانس شەفەق نیوز وت: وڵاتەگە ئەوەسا لە سوو دووشەوممەو کەشوهەوا سویەرەگە کەمکەم هیلێدە جی، تایبەت ناوچەیل ناوڕاس و فورات ناوڕاس، تا ئاست گەرمیەگە وە دوو تا سێ پلەی سیلیزی داوەزێد.
وتیش: هاتێ شەپوولە سویەرەگە رووژ سێشەممە بشکێدەو، تا گشت شارەیل بکەفنە کەشوهەوای تاوسانی سرووشتییگ، بیجگە بەسرە ومیسان ک تا رووژ چوارشەممە وەگەرمی مینن، ئیجا لەورایش داوەزێد.
زیادی وتیش: نەخشەیل نشان وەردەوامی کەشوهەواگە ئەرا گشت رووژەیل هەفتەی ئایندە وتا نیمەی ئی مانگە دەن، تا بوودە کەشوهەوای تاوسانی ئاساییگ، و دی شەپوول گەرمی نییە.
لە کۆتایی وتیش: هوشداری ئەرا رووژەیل سێشەممە و چوارشەممە لە تونی واگە هەس، تایبەت لە شارەیل باشوور خوەرهەڵات.
