سەگ وەرەلا پیاو پیریگ لە مووسڵ گەزێد

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە زەخمداری پیاو پیریگ و گەنجیگ هەنای سەگ وەرەلا لە لای چەپ شار مووسڵ پەلاماریان دا.  

سەرچەوەگە ئەرا ئاژانس شەفەق نیوز وت: بڕیگ سەەگ هار پیاویگ پیر لە گەڕەک بەعس لەلای چەپ مووسڵ گیر هاوردن، و پەلاماری دان، و یەکیگیان لە چەن شوینیگ لەلەشی گەزیەی، تا خەڵکەگە رەسینە قورتارکردنی و رەساننەی خەسخانە.    

سەرچەوەگە وتیش: گەنجیگیش شەفەق ئمڕوو کەفتە وەر گەزین سەگ لە پای، هەنای وەرەو کار خوەی چیاد لە نزیک گەڕەک فەلاح لەلای چەپ مووسڵ.  

هەرچەن چەن سکاڵایگ لەبان سەگەیل وەرەلا توومار کریایە، باوجی تا ئیسە حکومەت نەینەوا هویچیگ نەکردیە.