سێ مردن و ٧ تووشهاتن نوو وە کۆڕۆنا لە ناوچەیل ئیدارەی سەروەخوەیی
2021-02-25T08:59:15+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، ئمڕوو پەنجشەممە، راگەیان تۆمارکردن هەفت تووشهاتن نوو وە ڤایڕۆس کۆڤید-١٩ لە ناوچەیل ئیدارەی سەروەخوەیی لە باکوور و خوەرهەڵات سوریا.
دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: تووشهاتنە نووەگان ٥ پیاو و ٢ ژن بوین.
تووشهاتنە نووەگان وەیجوورە بەشەوە بوین: حەسەکە ١، قامیشلۆ ٢، کەرکی لەکی ٢، ریقە ٢.
موستەفا وتیش ٣ مردن تۆمار کریا، و چوار خاسەوبوین دووپات کریا.
گشت ژمارەی تووشهاتنەگان لە ناوچەیل ئیدارەی سەروەخوەیی رەسیە ٨٦٩٢، ٣١٦ لەلیان مردنە، و ١٢٤٦ خاسەو بوینە.
