کەسەیل سەرخوەشیگ پەلامار ئەفسەریگ پۆلیس دەن لە کەڕادە ناوڕاس بەغدا
2024-01-01T11:41:44+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە زەخمداری ئەفسەریگ هەواڵگێری لەئەنجام پەلاماردانی وە چەقوو وەلایەن کەسەیلی سەرخوەش لەناوڕاس بەغدا.
سەرچەوەگە وە ئاژانس شەفەق نیوز وت، کەسەیل سەرخوەش نەناسریایگ، ئمڕوو شەوەکی، دەسدرویژی کردنەس وەبان ئەفسەریگ ئەمنی و هەواڵگێڕی کەرادە لە مەوقەی وەجی رەسانن ئەرکەگەی لە جادەی سەعدون لەناوڕاس بەغدا، لەوەر بڵاوبوین ئەمنی وەبوونەی سەرساڵ نوو.
وتیش، کەسە نەناسریاگەیل وە چەقوو دوو جار دانەس لە دەس راسی و ئەرا شوین نادیاریگ واینە، دیاریکرد ئەرا خەسخانەیگ نزیک کلکریایە تا چارەسەر پێویست وەربگرێد، و دەزگایەیل ئەمنی لێکۆڵینەوە لە رویداوەگە ،ازکردنە.
