پسپۆڕیگ عراقی باس توومارکردن تۊشهاتن وە یەکیگ لە ئاڵشبۊیەیل کۆڕۆنا دۊیای بردن واکسین کەێد
2021-11-27T09:24:55+00:00
شەفەق نیوز/ حەیدەر حنتوش پسپۆڕ پەتایلە لە فەرمانگەی تەندروسی زیقار، ئمڕوو شەممە، باس کرد ک واکسینەیل دژوە ڤایرۆس کۆڕۆنا وەگەرد ئاڵشتبۊی باشوور ئەفریقا کار نەکرد، ک چەن کەسیگ لە چەن دەوڵەتیگ دوو تاقەبەش واکسینەگە وەرگردنە و تۊشی هاتن.
حنتوش ئەرا ئاژانس شەفەق نیوز وت: ئاڵشتبۊی (B. 1.1.529) ک وە ئۆمیکرۆن ناسریاگە، یەکیگە لە دۊیاترین ئاڵشتبۊیەیل ڤایرۆس کۆڕۆنا، و لە باشوور ئەفریقا دەرچگە و زۊی بڵاوە بوود.
حنتوش رخ خوەی نشان دا ک ئی ئاڵشتبۊیەیلە کاریگەری لەبان گورجی واکسینەگە بیاشتان، وەتایبەت ک بڕێ لە تۊشهاتنەیلە لەلیان هەس دوو واکسینەگە دانە.
