سەرچەوەیگ ئەمنی: هێزەیل ئەمریکا نواگیر مووشەکەیلیگ لە دەورگرد فڕۆکەخانەی بەغداد کەن
شەفەق نیوز/ سەرچەوەیگ ئەمنی وەرپرس، ئمڕوو شەممە، خەوەردا لە نواگیرکردن پەلاماریگ مووشەکی لەبان فڕۆکەخانەی ناودەوڵەتی بەغداد لەلایەن هێزەیل ئەمریکا.
سەرچەوەگە خەوەردا ئاژانس شەفەق نیوز ک دەورگرد فڕۆکەخانەی ناودەوڵەتی بەغداد کەفتە وەر پەلاماریگ وە مووشەک کاتیۆشا، بەڵکم سیستەم C-RM لە دەورگرد کامپە سەربازیە ئەمریکیەگە «فاکتڕی» دویریانەو خستن.
سەرچەوەگە ئاماژە کرد لە زەردبوین ژمارەیگ لە ماڵە نزیکەگان لە فڕۆکەخانەگە وە پارچەیل سیستەمەگە، و ئاماژە کرد ک وەشانن مووشەکەگان لە ناوچەی حەی جیهاد لە بەغداد بوی.
هەرلیوا، شانەی راگەیانن ئەمنی عراق ئمڕوو لە بەیاننامەیگ وت: سێ مووشەک وەرەو فڕۆکەخانەی ناودەوڵەتی بەغداد دوێەشەو لە وەخت دیریگ وەشیان، ک دوو مووشەک کەفتنە دەیشت فڕۆکەخانەگە و سێیەمەگە کەفتە بان ماڵ هاووڵاتییگ لە ناوچەی حەی جیهاد، ک بویە هووکار زەرەدەیلیگ دارایی وەبی تۆمارکردن زەخمداربوین.
و ئەیە یەکەمین پەلامارە دژوە هێزەیل ئەمریکا لەوەخت وەرگردن پۆست سەرۆکایەتی ئەمریکا لەلایەن جۆ بایدن.
