سەرچەوە ئاویەیل رونکردنەوەیگ لەباوەت "لاوردن بەنداو بادوش" لە نەینەوا بڵاوکرد
شەفەق نیوز/ وەزارەت سەرچەوەیل ئاوی، ئمڕوو چوارشەممە، خەوەریگ رەدکرد کە لەبان بڕیگ کەناڵەیل راگەیان و پێگەیل خەوەری بڵاوکریایە لەباوەت "لاوردن بەنداو بادوش" لە پارێزگای نەینەوا، دیاریکرد ها لە قۆناغ گرێبەس کردن وەرد پسپۆریگ ئەرا چارەسەرکردن گیچەڵەیل ئێ بەنداوە و بەنداو موسڵ.
وەزارەتەگە لە زوانی قسەکەرەگەی خالد شەمال موسحب راگەیان، ئەو خەوەرە کە بڵاوبویەسەو لەباوەت "لاوردن بەنداو بادوش" کە لە ساڵ 1991 پەکیکەفتیە دروس نییە، وە تەواوی پیچەوانەس".
وتیش وەزارەتەگە ها لە گرێبەسکردن وەرد کۆمپانیایگ وەناوبانگ جەهانی تایوەت وە مژار بەنداوەیل گەپ ئەرا چارەسەرکردن هەمیشەیی گیچەڵ بەنداو موسڵ و لە چمگی بەنداو بادوش، وەپای ئەوەگ رەزامەنی سەرۆک ئەنجومەن وەزیرەیل لەی باوەتە وەرگیریاس "حکومەت ناوخوەی موسڵ وە تەواوی خەوەردارە و پاڵپشتی گشت ئەو گامەیلە کەێد کە وەزارەتەگە دانەدێ.
وەزارەتەگە لە بەیاننامەگە داواکرد لە کەناڵەیل راگەیانن خەوەر لە سەرچەوەیل فەرمی وەربگرن دویربکەفن لە کەسەیل ناپسپۆر و بەیانەیل ناوەرپرس کە هاتێ شسەی مەردم لەدویایەو باد.
