سەرۆک کۆمار پیرووزبایی لە مۆسیقار نەسیر شەممە ئەرا وەرگردن خەڵاتیگ ناودەوڵەتی کەێد
شەفەق نیوز/ بەرهەم ساڵح سەرۆک کۆمار، ئمڕوو جمعە، پیرووزبایی لە مۆسیقار عراقی ناسریاگ نەسیر شەممە کرد ئەرا وەرگردن خەڵات «کەسایەتی ساڵەگە» ک خاوەن فرەترین کاریگەری ناودەوڵەتیە، لەلایەن رێکخراو هۆڵەندی ناودەوڵەتی ئەرا ماف مرۆڤ و ئاشتی جهانی.
نووسینگەی راگەیانن سەرۆکایەتی کۆمار لە بەیاننامەیگ رەسیە ئاژانس شەفەق نیوز وت: سەرۆک ساڵح پەیوەندی تەلەفۆنییگ وەگەرد مۆسیقارەگە کرد وباس لە خوەشحاڵیی و گەرمترین پێروزبایی ئەرای و ئەرا چینە رووشنهوریەگە وەبۆنی ورگردن خەڵاتەگە کرد.
ساڵح دەسخوەشی لە مێژوو خاوەن داهێنان وەردەوامی لە چین رووشنهویری و کۆمەڵایەتی و مرۆیی ئەرا نەسیر شەممە کرد، و ئومێد لە داهێنان زیاتر و پڕ لە خەیر و ئاشتی ئەراک خوازێد.
وەزارت رووشنهویری عراق، دوێەکە پەنجشەممە، راگەیان وەرگردن مۆسیقار نەسیر شەممە ئەرا خەڵات «کەسایەتی ساڵەگە» ک خاوەن فرەترین کاریگەریە لە جهان، ک لەلایەن رێکخراو هۆڵەندی ناودەوڵەتی ئەرا ئازادی ومقەیەتی ماف مرۆڤ و ئاشتی جیهانی پێشکەش کریاگە.
نەسیر شەممە لە ساڵ ١٩٦٣ لە شار کوت وله ناو خانه‌واده‌یه‌گ كورد فه‌یلی لەداڵگ بوی، وخوەنەواری زانکۆیی لە پەیمانگای خوەنستن مۆسیقایی لە بەغداد لە ساڵ ١٩٨٧ تەواو کردگە، دویای ئەوە پسپۆڕیەگەی کەفتە بان عوود ژەنین.
