سەرۆک عراقی لەساڵیاد جینۆساید ئەیزیدیەگان: داعش خوازی شوونەیان بووڕیدەو
![سەرۆک عراقی لەساڵیاد جینۆساید ئەیزیدیەگان: داعش خوازی شوونەیان بووڕیدەو](https://media.shafaq.com/media/arcella/1596378479110.jpg)
شەفەق نیوز/ بەرهەم ساڵح سەرۆک کۆمار عراق، ئمڕوو یەکشەممە، وت: ئانمانج ریخریاگ داعش جینۆساید و شوون بڕین ئەیزیدیەگان بوی، ودووپاتکرد لە گرنگی سزاداین خاوەن کەموکورتیەگان و هووکارەگان لە وەناوهاتن و داگیرکردن شار و ئاوایەگان عراقله لاین داعش.
ساڵح لە وتارەگەی لە ساڵیاد جینۆساید ئەیزیدیەگان، لە بازنەیگ تەلەفزیۆنی بەسیاگ ئاژانس شەفەق نیوز چەودیریی کرد وت: ساڵیاد کارەساتە مرۆییەگە تێریمنەو ک ئەیزیدیەگان کەفتنە وەری لە ئیجوور رووژیگ، لە کردەوی تاوانبارەیل ریخریاگ داعش تیرۆریست لە داگیرکردن شەنگال و خراوترین تاوانکاریهیل .
وتیش: وەڕاسی شەرمە کەموکورتی و خەمسەردی لە دابینکردن داواکاریەگان خەڵکەگەمان لە شەنگال، ودووپاترد لە گرنگی وەپشتسەرنان ریگریە سیاسی وئیداریەگان.
سەرۆک کۆمار هەمیش جەختکرد لە گرنگی وەزویکردن لە رێکخستن ئیدارەگە لە شەنگال و پاڵپشتی ئاسایش وئارامی و پێشکەشکردن هاوکاری دارایی و خزمەتگوزاریە سەرەکیەگان ئەرا هاتنەوەیان لە کامپەیل ئاوارەیل ئەرا شوون نیشتەجییان، ک لەی دویاییە نیاز هاتنەوەیان ئاشکرا کردن.