سەرۆک عراق: لوتکەی بەغداد لە وەختیگ تیەێد جەنگ هەڕەشەی ئاسایش و ئارامی ناوچەگە دەێد
شەفەق نيوز/ عەبدولەتیف جەمال رەشید سەرۆک کۆمار عراق، ئمڕوو شەممە، هوشداری لە "سایەڵ جەنگ" دا کە پەسا هەڕەشەی ئاسایش و ئارامی لە ناوچەگە دەێد، و دیاری کرد کە لوتکەی عەرەبی 34مین لە سای رەوشەیل فرە ئاڵووز وەڕیەو چوود.
رەشید لە وتارەگەی وەگەرد سەرۆکایەتیکردن دانیشتن دەسوەپیکردن کۆنفرانس لوتکەی عەرەبی لە خول 34می وت: ئی لوتکە لە سای رەوشەیل ئەمنی ئاڵووز و سەختیەیل ئابووری تیەێد، کە سایەڵ جەنگ هەڕەشەی ئاسایش و ئارامی دەێد، و هەڕەشەی تەقەلایل ئەوزەڵکردنی و نووڕینی ئەرا بانان دەێد، کە شوینیگ ئاشکرا و دیارە، و دەسکردن خستنە سای خوەی وەبان ژیان گەلەیلمان.
وتیش: لوتکەی عەرەبی لە سای رەوشەیل فرە ئاڵووز و سەختیەیل رخداریگ ئەنجام دریەێد و سەختیەیل رخداریگ هەڕەشەی ناوچەمان و ئاسایش وڵاتەیلمان و چارەنویس گەلەیلمان دەێد، وەرپرسایەتییگ میژووی خەێدە مل ئیمە، داوا لەلیمان کەێد کار ئەرا دویرخستن وڵاتەیلمان لە شوین و کاریگەری قەیرانەیل لەشوینیەک بکەیمن.
سەرۆک عراق دووپاتیش کرد لە پاڵپشتیکردن ئارامی عەرەبی و هەرێمی لەڕی چارەسەریەیل دیبلۆماسی، و پابەندبوین وە بنەمایەیل نەتەوە یەکگرتگەیل و یاساییەیل ناودەوڵەتی کە لەبان رێزگردن لە سەروەری دەوڵەتەیل، و خاس هاوسایەتی، و هاوکاری هاوبەش نریانە.
هەمیش وت: عراق دووپات لە رکداری لەبان پشتگیریکردن ئاسایش و ئارامی لە دەوڵەتە برا عەربیەیل کەێد، کە توانی جیاوەکردن ئاسایش هاوبەشمان نییە، و رەتکردن هەر دەسوەردانیگ دەرەکی زیان وە سەروەری ئی دەوڵەتەیلە بڕەسنێد یا هەڕەشەی گەلیان بیەێد، دووپات کرد کە ئامانج بەرز ئەنجامدان لوتکە یەکخستن هەڵوێستەیلمانە وەرانوەر سەختیە زیایبویەیل، لە باوەڕیمان وە گرنگی کار عەرەبی هاوبەش.
