سەرەتای هەفتەی بانان...پلەی گەرمی بەرزەو بوود
شەفەق نیوز/ پسپۆر کەشناسی سادق عەتیە، ئمڕوو پەنجشەممە، راگەیان سەرەتای هەفتەی بانان پلەی گەرما بەرزەوبوود ئەرا بان رێژەیل گشتی لە گشت ناوچە و شارەیل عراق.
سادق لە بڵاوکردنیگ لەبان تووڕ کۆمەڵایەتی " فەیسبوک" وت: سەرەتای هەفتەی بانان شەپوولیگ چام تیەێد وەگەردیا پلەی گەرما بەرزەوبوود، دیاریکرد ئمڕوو پەنجشەممە 25 ئاب وای باکور خوەرهەڵات وەردەوامە لە فرەیگ لە شارەیل وڵاتەگە.
وتیش؛ پیشبینیەیل دیاری کەن لە دەمەو نیمەڕوو سوو جومعە وا دەسکەێدە ئارامبوین کەمە کەمە ئاڵشتبوود ئەرا ئاراستەی باشوور خوەرهەڵات لە شار بەسرە وەگەردیا چام لە کەشوهەوا بەرزەوبوود، دویای ئەوە ئاڵشتبوینەگە شارەیل میسان و واست گرێدەو لە شەوەکی شەممە، وەگەردیا تاقمەجاریگ ئاراستەی وا بوودە باکوور خوەرئاوا.
وتیش، پیشبینی کریەێد پلەی گەرما بەرزەوبوین وەرچەوەیگ بوینێد ، وەگەرد سەرەتای هەفتەی بانان بان رێژەی گشتی توومارکەێد لە گشت شارەیل.
